તાપી જિલ્લાનું ગૌરવ: ઉચ્છલ તાલુકાના તાલુકા શાળાનાં મુખ્યશિક્ષકશ્રી અરવિંદભાઈ ગામીત શ્રી અરવિંદભાઈ ગામીતને શ્રેષ્ઠ કામગીરી કરવા બદલ 26મી જાન્યુઆરી પ્રજાસત્તાક દિને ગુજરાતના માનનીય મુખ્યમંત્રીશ્રી અને રાજ્યપાલશ્રીના હસ્તે સન્માનિત કરવામાં આવ્યા. તાપી જિલ્લાનું શૈક્ષણિક ક્ષેત્ર હંમેશાં પ્રગતિશીલ રહ્યું છે અને તેમાં મહાન ભૂમિકા નિભાવનાર એક પ્રભાવશાળી શૈક્ષણિક યોદ્ધા છે—શ્રી અરવિંદભાઈ ગામીત. વ્યારા તાલુકાના ઝાંખરી ગામના વતની અરવિંદભાઈએ શિક્ષણ ક્ષેત્રે અવિરત પરિશ્રમ અને સમર્પણથી અનેક વિદ્યાર્થીઓના ભવિષ્યનું ઘડતર કર્યું છે. શૈક્ષણિક સફરનો પ્રારંભ શ્રી અરવિંદભાઈ ગામીતની પ્રથમ નિમણૂક 1993માં તાપી જિલ્લાના નિઝર (હાલ કુકરમુંડા) તાલુકાની પિશાવર પ્રાથમિક શાળામાં થઈ હતી. તે સમયે શાળામાં માત્ર ધોરણ 1 થી 4 ની વર્ગશાળા હતી અને તેઓ એકમાત્ર શિક્ષક તરીકે ફરજ બજાવતા હતા. ઘણી પડકારજનક પરિસ્થિતિઓ વચ્ચે પણ તેમણે શૈક્ષણિક ગુણવત્તા સુધારવા માટે સતત પ્રયત્નો કર્યા. શૈક્ષણિક વિકાસ અને ભૂમિકા 1998માં તેઓ ઉચ્છલ તાલુકામાં બદલી પામ્યા, જ્યાં તેમણે શિક્ષણક્ષેત્રે વધુ સુધારા અને નવાચર લાવ્યા. તેમના શૈક્ષણિક પ્રભા...
વાડ મુખ્ય પ્રાથમિક શાળાનો શૈક્ષણિક પ્રવાસ યોજાયો.
તારીખ 30/12/23 થી તા.31/12/23 ના રોજ બે દિવસનો વાડ મુખ્ય પ્રાથમિક શાળા ખેરગામમાંથી શૈક્ષણીક પ્રવાસનું આયોજન કરવામાં આવ્યું જેમાં પાવાગઢ,બરોડા, ડાકોર, કાંકરિયા તળાવ , વૈષ્ણવ દેવી, અક્ષરધામ જેવા સ્થળોનો સમાવેશ કરવામાં આવ્યો. જેમાં પ્રવાસની શરૂઆત પાવાગઢ થી કરવામાં આવી જેમાં પાવાગઢની તળેટીમાં ચાંપાનેર ગામ, કિલ્લો, જામાં મસ્જિદ અને મોતી મસ્જિદ મુલાકાત કરવામાં આવી હતી.
ત્યાર બાદ પાવાગઢ પર્વત પર મહાકાળી માટેના દર્શન કરી બરોડા સયાજી ગાયકવાડ મહારાજ મ્યુઝિયમ નિહાળ્યું. જેમાં રાજા મહારાજા અને રાણી તેમજ રાજકુમારનો પોશાક, લડાઈ માટેના સાધનો, 19 મી સદીની માટીની વિવિધ વસ્તુઓ,,લાકડામાંથી કોતરણી કરીને બનાવેલ વિવિધ વસ્તુઓ , ધાતુઓ ની વસ્તુઓ તેમજ વિવિધ ખનીજો ના નમુના તેમજ પક્ષીઓ અને પ્રાણીઓ તેમજ મમી અને બધા સજીવોના હાડપિંજર નિહાળ્યા હતા.
ત્યારબાદ ડાકોરમાં રણછોડરાય ભગવાનના દર્શન કરી અમદાવાદ કાંકરિયા તળાવ, કમલા નહેરુ પાર્કમાં પ્રાણીસંગ્રહાલય, વૈષ્ણવ દેવી માતા, વર્લ્ડ હેરિટેજમાં સ્થાન પામેલ અડાલજની વાવની મુલાકાત લીધી હતી. ત્યાર બાદ ગુજરાતનું પાટનગર ગાંધીનગરમાં વિઠ્ઠલભાઈ ભવન વિધાનસભા ગૃહ, મહાત્મા મંદિર અક્ષરધામમાં શ્રી સ્વામિનારાયણ મંદિર, પ્રદર્શન તેમજ વોટર લેસર શો નિહાળ્યો હતો.
Comments
Post a Comment