તાપી જિલ્લાનું ગૌરવ: ઉચ્છલ તાલુકાના તાલુકા શાળાનાં મુખ્યશિક્ષકશ્રી અરવિંદભાઈ ગામીત શ્રી અરવિંદભાઈ ગામીતને શ્રેષ્ઠ કામગીરી કરવા બદલ 26મી જાન્યુઆરી પ્રજાસત્તાક દિને ગુજરાતના માનનીય મુખ્યમંત્રીશ્રી અને રાજ્યપાલશ્રીના હસ્તે સન્માનિત કરવામાં આવ્યા. તાપી જિલ્લાનું શૈક્ષણિક ક્ષેત્ર હંમેશાં પ્રગતિશીલ રહ્યું છે અને તેમાં મહાન ભૂમિકા નિભાવનાર એક પ્રભાવશાળી શૈક્ષણિક યોદ્ધા છે—શ્રી અરવિંદભાઈ ગામીત. વ્યારા તાલુકાના ઝાંખરી ગામના વતની અરવિંદભાઈએ શિક્ષણ ક્ષેત્રે અવિરત પરિશ્રમ અને સમર્પણથી અનેક વિદ્યાર્થીઓના ભવિષ્યનું ઘડતર કર્યું છે. શૈક્ષણિક સફરનો પ્રારંભ શ્રી અરવિંદભાઈ ગામીતની પ્રથમ નિમણૂક 1993માં તાપી જિલ્લાના નિઝર (હાલ કુકરમુંડા) તાલુકાની પિશાવર પ્રાથમિક શાળામાં થઈ હતી. તે સમયે શાળામાં માત્ર ધોરણ 1 થી 4 ની વર્ગશાળા હતી અને તેઓ એકમાત્ર શિક્ષક તરીકે ફરજ બજાવતા હતા. ઘણી પડકારજનક પરિસ્થિતિઓ વચ્ચે પણ તેમણે શૈક્ષણિક ગુણવત્તા સુધારવા માટે સતત પ્રયત્નો કર્યા. શૈક્ષણિક વિકાસ અને ભૂમિકા 1998માં તેઓ ઉચ્છલ તાલુકામાં બદલી પામ્યા, જ્યાં તેમણે શિક્ષણક્ષેત્રે વધુ સુધારા અને નવાચર લાવ્યા. તેમના શૈક્ષણિક પ્રભા...
ખેરગામ ખાતે પ્રાકૃતિક ખેત પેદાશના વેચાણ બજાર શરૂ કરાયું.
પ્રાકૃતિક ખેત વેચાણ બજારથી આજે ૧૦ ખેડૂતો દ્વારા અંદાજીત ૧૧૧.૫૦ કિલો જેટલા શાકભાજી, ફળો, અનાજ, કઠોળ ની કુલ કિંમત રૂ. ૮૬૧૨ નું વેચાણ થયું હતુ. ઉપસ્થિત અગ્રણીઓએ તાજા ઝેરમુક્ત ખેત પેદાશોની ખરીદી કરી હતી ખેરગામ તાલુકાના ગ્રામજનોને પ્રાકૃતિક પધ્ધતિથી ઉત્પાદિત આરોગ્યપ્રદ ફળો, શાકભાજી અને વિવિધ ખેત પેદાશો ખાવા મળે અને પ્રાકૃતિક ખેતી કરતા ખેડૂતોને પોતાને ઉપજના પોષણક્ષમ ભાવો મળી રહે અને ભવિષ્યમાં પ્રાકૃતિક ખેતપેદાશોનું બજાર ઉભું થાય એવા જનજાગૃતિના શુભ આશય સાથે તા.૩૦ના રોજથી નવસારી જિલ્લાના ખેતીવાડી, બાગાયત અને આત્મા વિભાગના સંયુક્ત પ્રયાસથી ખેરગામ તાલુકાના મુખ્ય મથક ખેરગામ- ધરમપુર રોડ, આસ્થા હોસ્પિટલની બાજુમાં, ખેરગામ ખાતે રસાયણ મુક્ત ખેતી પ્રોજેક્ટ અંતર્ગત પ્રાકૃતિક ખેત પેદાશના વેચાણ બજાર શરૂ કરવામાં આવ્યું હતું.
ઉપર્યુક્ત બજાર પ્રાયોગિક ધોરણે અઠવાડિયાના શનિવારે સવારે ૯:૦૦ વાગ્યે થી ૧૨:૦૦ વગ્યા સુધી તેમજ સાંજે ૩:૦૦ થી ૮:૦૦ વાગ્યા સુધી ચાલુ રહેશે. ત્યારબાદ તબક્કાવાર વેચાણ વ્યવસ્થા માટે આયોજન કરવામાં આવશે.
પ્રાકૃતિક ખેત વેચાણ બજારથી આજે ૧૦ ખેડૂતો દ્વારા અંદાજીત ૧૧૧.૫૦ કિલો જેટલા શાકભાજી, ફળો, અનાજ, કઠોળની કુલ કિંમત રૂ. ૮૬૧૨નું વેચાણ થયું હતુ.
તાલુકા પંચાયત પ્રમુખ રાજેશભાઈ પટેલ, જિલ્લા પંચાયતના આરોગ્ય સમિતિના અધ્યક્ષ સુમિત્રાબેન ગરાસિયા, તાલુકા પંચાયત અધ્યક્ષ સામાજિક ન્યાય સમિતિ પુર્વેશભાઈ ડી. ખાંડાવાલા, મહિલા મોરચાના પ્રમુખ જિજ્ઞાબેન, ખેરગામના ડેપ્યુટી સરપંચ જીગ્નેશભાઈ પટેલ, વાડ ગામના આગેવાન ચેતનભાઈ પટેલ તથા દિનેશભાઈ પટેલ, ખેરગામ પૂર્વ સરપંચશ્રી કાર્તિકભાઈ પટેલ, બહેજ ગામના આગેવાન અનિલભાઈ પટેલ, ખેરગામ મામલતદારશ્રી ડી.સી. બ્રાહ્મણકાચ્છ સાહેબ સહિત અનેક આગેવાનો અધિકારીઓએ વેચાણ બજારની મુલાકાત લીધી હતી અને તાજા ઝેર મુક્ત ખેત પેદાશોની ખરીદી પણ કરવામાં આવી હતી.
Comments
Post a Comment